Miðstöð færniþróunar í Danmörku, NCK hefur í samstarfi við NVL, Norræna tengslanetið um nám fullorðinna staðið að kortlagningu á færnikröfum sem gerðar eru til þeirra sem kenna fullorðnum í norrænu löndunum og tækifærum þeirra til endurmenntunar. Það var stýrihópur Norrænu ráðherranefndarinnar um fullorðinsfræðslu (SVL), sem átti frumkvæðið að kortlagningunni og um leið þátt í að safna saman norrænni þekkingu á þessu sviði. Þar með verður einnig til grundvöllur fyrir frekari aðgerðir til þess að efla fagmennsku kennara sem kenna fullorðnum.
Í niðurstöðum skýrslunnar er m.a. bent á að þótt gerðar séu strangar kröfur um fag-faglega og almenna kennslufræðilega færni þá séu nánast engar kröfur um að kennarar búi yfir sérstakri kennslufræði fyrir fullorðna, ekki í almennu námi, starfsmenntun né heldur innan alþýðufræðslunnar. Á grundvelli skýrslunnar er mælt með að víka út og styrkja tækifæri kennara sem kenna fullorðnum til náms bæði í grunnnámi og endur- og símenntun. Auk þess er lagt til að að kennurum í hlutastarfi verði veitt sérstök þjálfun og námstækifæri.
Skýrslan er til á dönsku en unnið er að þýðingu yfir á finnsku og samantekt á ensku. Hægt er að hala skýrslunni niður á www.ncfk.dk