Lög um aðlögun eiga að ná yfir alla innflytjendur
Ráðherra leggur til að lög um framkvæmd aðlögunar eigi framvegis að ná til allra innflytjenda. Markmið frumvarpsins er að gera lagasetninguna enn skýrari og leiða til þess að meiri hluti innflytjenda fái styrk til þess að aðlagast finnsku samfélagi fljótlega eftir að þeir koma til Finnlands.
Frumvarp finnsku ríkisstjórnarinnar tekur betur tillit til sérstakra kringumstæðna innflytjenda en gert hefur verið fram til þessa. Aðgerðir til aðlögunar eiga að byggja á þörfum innflytjendanna. Flestir innflytjendur þurfa á stuðningi að halda en þarfirnar eru afar mismunandi. Markmiðið er að auðvelda og flýta fyrir því að innflytjendur verði virkir á vinnumarkaði og auk þess að koma í veg fyrir að einstaka hópar innflytjenda verði útundan.
Lögin um aðlögun innflytjenda munu einnig taka til ákvarðana um að reyna nýjar aðferðir við kennslu innflytjenda. Verkefninu Virkur í Finnlandi, "Delaktig i Finnland" mun ljúka í lok árs 2013. Markmið verkefnisins er að gera tilraunir við að innleiða nýjar aðferðir og nýtt skipulag fyrir fræðslu innflytjenda.
www.intermin.fi/intermin/bulletin.nsf/PublicbyIdentifierCode/20101015012?opendocument&2
E-post: Pirkko.Sartoneva(ät)vsy.fi