Yfir 300 hafa bætt um betur
Iðan fræðslusetur býður upp á raunfærnimat fyrir ófaglært starfsfólk í ýmsum iðngreinum. Verkefnið er kallað „Bættu um betur“.
Tilgangurinn er að auðvelda fólki með starfsreynslu að ljúka löggildu iðnnámi. Skilyrði er að viðkomandi hafi unnið meira en fimm ár í greininni og náð 25 ára aldri. Staða hvers og eins er metin með tilliti til faggreinarinnar og leiðbeint um bóknám. Edda Jóhannesdóttir, náms- og starfsráðgjafi hjá Iðunni fræðslusetri, sagði að margir ófaglærðir en reyndir starfsmenn leiti nú eftir iðnréttindum til að geta farið til starfa í útlöndum. Frá því verkefnið hófst 2007 hafa um 300 manns farið í raunfærnimatið. Milli 50 og 60 af þeim eru þegar komnir með sveinspróf.
www.idan.is/radgjof/bub/ Sigrún Kristín Magnúsdóttir
E-post: sigrunkri(ät)frae.is